• Мартин Танасковски
Турскиот фудбал имаше фантастична увертира, затоа што екипата на Галатасарај загуби од големиот ривал Бешикташ со неверојатни 0-5 во рамки на Суперкупот на Турција.
Бешикташ имаше феноменална промоција на новото засилување Чиро Имобиле кој даде гол во мрежата на Галатасарај од Истанбул по само 21 секунда. Тоа беше резултатот и на паузата, а во вториот дел следеше дебакл за актуелниот турски првак.
Ciro Immobile scored for Besiktas just 21 seconds into the Turkish Super Cup against Galatasaray.
— Raffaele (@ItalianoCalcio) August 3, 2024
Се играше 52. минута кога Свенсон зголеми на 0-2, а потоа во 81. минута следеше трет гол кој пак беше дело на Чиро Имобиле. Откако Нелсон доби црвен, Бешикташ ја искористи можноста да го докусури ривалот, па преку Рафа Силва и Хекимоглу во екстра-времето ги постави високите 0-5.
За Бешикташ ова беше десетта титула во Суперкупот, прва по 2021 година.
