• Симеончо Стоиков
Шпанскиот голман Виктор Валдес како што е познато ќе мора да го напушти Стандард Лиеж, откако управата на клубот од Белгија му соопшти на долгогодишниот чувар на мрежата на Барселона, дека за идната сезона нема да сметат на неговите услуги.
Валдес во Стандард е на позајмица од Манчестер Јунајтед, но клубот од Англија исто така нема намери да го задржи во своите редови, па планира повторно да го позајми или го продаде. Најверојатно следната дестинација на Валдес ќе биде Шпанија, и тоа градот Барселона, но не и клубот во кој ги помина најубавите моменти од кариерата.
Имено шпански АС тврди дека градскиот ривал на Барселона, тимот на Еспањол е спремен да го ангажира Валдес, откако ќе му истече договорот со Манчестер Јунајтед. Со оглед на тоа што Валдес има 34 години, најверојатно следниот клуб ќе му биде и последен во кариерата. Ако се земе предвид дека Барселона и Еспањол се лути градски ривал, несомнено дека евентуалната одлука Владес да премине во Еспањол, нема да помина незабележана од навивачите на Барселона.
