• Саше Љолес
Легендарниот напаѓач Руд ван Нистелрој повторно е дел од холандската репрезентација, но овој пат во нова улога. Тој се приклучи на стручниот штаб на националниот тим и се очекува да донесе уште попозитивна атмосфера меѓу играчите.
Ван Нистелрој ќе му помага на селекторот Роналд Куман, носејќи огромно искуство од својата богата играчка и тренерска кариера. Како поранешен репрезентативец и еден од најдобрите напаѓачи во историјата на Холандија, неговото присуство се смета за значајно засилување, особено во работата со офанзивните играчи.
Овој потег е дел од подготовките на „лалињата“ за наредниот период, во кој ги очекуваат важни натпревари и настап на Светското првенство. Со вакво име во стручниот штаб, Холандија добива дополнителна тежина и авторитет во обидот да се врати на самиот врв на европскиот и светскиот фудбал.
Прочитајте повеќе околу трансферите во Македонија и во светот на ОВОЈ линк.
