• Мартин Танасковски
Екипата на Манчестер Сити со убедлива победа над најдобриот тим во второлигашкото друштво Барнли (6-0) патува во наредната фаза во англискиот ФА Куп, а тоа е полуфиналето.
Барнли беше лесен плен за разиграните „граѓани“ на Пеп кои не покажаа милост. Англискиот првак постигна вкупно шест гола во противничката мрежа, а централна фигура на теренот беше норвешкиот ас Ерлинг Халанд кој повторно даде хет-трик во дресот на премиерлигашот.
Халанд ги даде првите три гола за Манчестер Сити, Норвежанецот погоди во 32., 35. и 59. минута и веќе беше јасно кој ќе биде победникот на оваа средба. На голеадата се надоврзаа Алварез со два гола и Палмер со еден, за тотален дебакл на Барнли кој чекори кон промоција во Премиер лигата.
- Извештај од натпреварот:
На овој натпревар не играше македонскиот репрезентативец Дарко Чурлинов. Крилниот играч според клупскиот извештај е надвор од терените поради повреда на ногата.
