• Горан Упале
Голманот на Манчестер Сити, Штефан Ортега денес го продолжи договорот со шампионот на Англија до 2026 година.
„Многу сум среќен што останувам во Сити. Ова е фудбалски клуб кој им дава на играчите сè што им е потребно за да бидат најдобри. Секој ден се чувствувам мотивиран и желен да напредувам", изјави Ортега.
Ортега е резервниот голман во Сити, но оваа сезона добиваше многу шанси. На крајот од Премиер лигата ја одигра една од клучните улоги во освојувањето на титулата и затоа го доби пекарот „херој од сенка“.
На мечот против Тотенхем го замени повредениот Едерсон и во самиот финиш на тој меч во ситуација „еден на еден“ му одбрани зицер на Хјеонг-Мин Сон и со тоа го зачува потребниот триумф за својот тим.
Овој 31-годишен голман дојде во Сити летото 2022 година од Арминија Билефелд и досега одигра 34 натпревари. Со Сити освои две титули во Премиер лигата, една ФА Куп и Лигата на шампионите.
