Гвардиола: Резултатот е лош, бидејќи сакаме победи кога играме дома

Гвардиола

Манчестер Сити не го искористи домашниот терен за да му зададе удар на ривалот за титулата во Премиер лигата, Ливерпул.

„Црвените“ си заминаа дома со освоен бод, а според Пеп Гвардиола овој резултат перфектно ги отсликува случувањата на теренот на „Итихад“.

„Неизвесен меч, тие започнаа добро, а ние примивме гол, сличен на пеналот како против Лестер. Имавме поконкретни шанси во второто полувреме, но ремито е фер исход. Не е лесно да се браните против Ливерпул - тие обично имаат три играчи во напад, сега имаа четири, трчаат од позади... Не е лесно, но се прилагодивме малку и смело застанавме малку повисоко. 

Постигнавме добар гол и за жал промашивме пенал, а потоа е многу потешко против противник како Ливерпул. Ако не можете да победите за 80-85 минути, не смеете ни да загубите. Кога играте против кандидат за титула, тоа е така. Се познаваме многу добро. Резултатот е лош за нас бидејќи сакаме да победиме на секој натпревар на домашен терен“, изјави Шпанецот по големото дерби.

Сити остана далеку од врвот, а Ливерпул сега го дели второто место со Тотенхем на Жозе Мурињо.