• Горан Упале
Веста дека Јирген Клоп ќе седне на клупата на Рома во следната сезона беше утринска „бомба“ во сите италијанските медиуми. Германскиот стручњак веќе е виден на пат кон „вечниот град“, меѓутоа, се покажа дека на крајот имало грешка, па новинарите од „Ла Стампа“ кои ја објавија оваа ексклузива, мораа да ја негираат сопствената вест.
Имено, тоа е резултат на погрешно толкување. Заклучокот дека Германецот пристигнува во Рома е извлечен од видео објавено на социјалните мрежи на клубот, во кое се прикажани римските споменици Колосеум, Лупа, Олимпико, Пјаца Сан Пјетро и Пантеон. Врз основа на почетните букви на овие познати споменици, е извлечен акронимот „КЛОП“, а новинарите на популарниот весник поврзаа дека поранешниот тренер на Ливерпул и Борусија Дортмунд пристигнува во „вечниот град“ на нова задача.
Грешката се случи затоа што новинарите предвидоа дека Колосеумот се пишува со буквата Ц на италијански, па акронимот го загуби своето значење, а со тоа и нивната теорија за новиот тренер на Рома.
Деманти веднаш стигнаа од менаџерот на Јирген Клоп, како и од „Олимпико“, а подоцна и самата „Ла Стампа“ излезе и ја призна својата грешка.
„Веста дека Клоп станува нов менаџер на Рома не е точна“, рече менаџерот на германскиот тренер Марк Коске.
Патем, овој весник во статијата ги наведе имињата на потенцијалните засилувања за следната сезона, како и детали што сугерираа дека е постигнат договор меѓу Рома и Клоп.
