• Иван Димовски
Натпреварувањето продолжува во елитната дивизија на Лигата на нации, а до крајот на групната фаза остануваат уште само две кола. Во групата 4 ситуацијата е прилично неизвесна кога е во прашање борбата за првата позиција и плеј-офот, Холандија во четврток (20:45 часот) ќе има многу важно гостување во Полска во Варшава.
Сите квоти во Mozzart за натпреварот меѓу Полска и Холандија
„Лалињата“ го немаат луксузот да загубат доколку сакаат да ја задржат предноста во однос на Белгија во пресрет на нивната пресметка во последното коло. Сега Холанѓаните се подобри за три бода, но ги чека непријатно гостување, додека Белгијците ја пречекуваат најслабата селекција во групата Велс. Мал куриозитет на оваа група е што сите четири учесници успеаја да се пласираат на претстојниот Мундијал во Катар, па овие натпревари ќе послужат како подготовки за истото. Полјаците и Холанѓаните се чести ривали, ова ќе биде нивна 16-та средба во последните 53 години. Петта само во овој век. Во јуни одиграа 2-2 во Ротердам, Полска прокоцка два гола предност. Деви Класен и Дензел Дамфрис успеаја да израмнат во рок од три минути, а потоа Мемфис Депај пропушти идеална можност во 91. минута да направи пресврт од белата точка.
Квоти за останатите натпревари во Лигата на нациите
Холандија и Полска беа во иста група во премиерното издание на Лигата на нации, во неа Лалињата триумфираа во двата дуели, со 1-0 и 2-1. Сепак, тоа не беше доволно за да го заземат првото место пред Италија која тогаш се пласираше во плеј-офот. Исто така, тоа не ја чинеше ниту Полска испаѓање, Босна и Херцеговина не беше дорасната во елитната група. Севкупно, Холандија има осум победи и само три порази против Полска. Четири натпревари завршија нерешено. Интересно е што Полјаците немаат ниту еден триумф над Лалињата во ерата на Роберт Левандовски, иако момците во портокалово последните години беа во голема криза и пропуштија големи натпреварувања. Последната победа Полска ја забележа во 1979 година.
