• Мартин Танасковски
Екипата на Гостивар тргна во подготовки, а мисијата е одбрана на првото место и пласман во Првата македонска фудбалска лига (ПМФЛ).
Најквалитетниот тим на хартија нема пораз во второлигашкото друштво и заслужено е на првото место. Тренерот Октај Дерелиоглу ја собра екипата, заедно со осумте нови играчи кои пристигнаа.
Новитет во ФК Гостивар се Симеон Христов како најголемо засилување и тоа од директниот конкурент Вардар, заедно со Андреј Кировски, Рушту Јонус, Фахрудин Ѓурѓевиќ, Фисник Зука, Гордијан Христовски, Астрит Амази и Реџан Абази.
Главната фаза на подготовки Гостивар се очекува да ја одработи во Анталија.
