• Зоран Мишевски
Англиските репрезентативци ја победија Костарика со 3-0 (1-0) на „генералката“ пред Светското првенство. Натпреварот го одбележа новиот ас на Барселона, Ентони Гордон, кој постигна гол од пенал и му асистираше на Деклан Рајс за уште еден поигодок, додека Оли Воткинс беше автор на третиот гол.
- Извештај од натпреварот:
Томас Тухел го постави на теренот она што многумина веруваат дека ќе биде почетниот состав на почетокот на турнирот - Пикфорд, Џејмс, Конса, Стоунс, О’Рајли, Андерсон, Рајс, Белингам, Мадуеке, Гордон, Кејн. Англичаните го отворија натпреварот многу добро, бидејќи веќе во деветтата минута, Гордон одлично додаде на левата страна кон Рајс, кој постигна гол за 1-0.
Тој резултат остана активен до 68. минута, кога Гордон постигна гол од пенал за 2-0, Езе шутираше, топката го погоди противничкиот дефанзивец во рака, судијата покажа кон пеналот и следеше силен удар под пречката за 2-0. Во 87. минута, Рашфорд биеше од далечина, а напаѓачот на Астон Вила, Оле Воткинс, постигна гол со глава за 3-0.
Натпреварот го обележа големата грешка на Нони Мадуеке, кој во 35. минута го заобиколи голманот и ја погоди само стативата. Сè на сè, Англичаните се подготвени за почетокот на Светското првенство, упатија 28 удари кон голот на Костарика, а Тухел им даде шанса на повеќе играчи да се наметнат.
Англичаните го отвораат турнирот на 17 јуни во 22:00 часот против Хрватска, потоа на 23 јуни играат со Гана, а на 27 јуни ќе се соочат со Панама.
