• Горан Упале
Активно беше на Островот овој вторник, се одигра вонредно коло во пониските лиги, а за еден натпревар сигурно уште долго ќе се зборува. Тоа не беше дуел на некои атрактивни ривали, но во центарот на вниманието е пресметката меѓу Барнсли и Викомб во 20. коло од англиската Лига 1.
Домаќините славеа со 1-0 и тоа по неверојатна глупост на противничкиот голман. Имено, во првата минута од судиското надополнување, Косгроув ја искористи невидената грешка на гостинскиот голман Стрјек.
Стрјек го одложуваше времето, противничкиот напаѓач малку го турна, по што голманот падна, но и ја испушти топката. Мислеше дека ќе добие фаул и ќе украде уште неколку минути, но се излага. Судијата не ја прекина играта, а напаѓачот на Барнсли ја зеде топката и постигна гол. Сите на стадионот за момент беа во исчекување, но брзо сфатија дека се е регуларно и голот е чист.
- Неверојатна ситуација која веќе стана хит на социјалните мрежи:
Barnsley's 91st minute winner against Wycombe tonight was wild.
Just when you think you've seen it all on a football pitch. pic.twitter.com/SUKy5Js9wm
— Pyramid Podcast (@PyramidPodcast_) November 28, 2023
Двета третолигаши во Англија ја одзедоа славата од натпреварите во Лигата на шампионите овој вторник, а тоа е можно само на фудбалските терени.
