• Саше Љолес
Парма и Џенова ги поделија бодовите во ремито кое заврши со најнепопуларниот резултат во фудбалот, 0-0. Натпреварот се играше во рамките на 21. коло во Серија А.
„Млекарите“ имаа за нијанса повеќе од играта, но не успеаја да го отворат резултатот, иако и гостите не беа ривал за потценување и трипати се обидоа во рамките на голот.
За Парма ова е 23. бод сезонава, со кој останува на тринаесетото место на табелата, додека Џенова е на три позиции подолу со дваесет бодови на своето салдо.
Во следното коло Парма ќе има тешко гостување кај Аталанта во Бергамо, а Џенова на домашен терен ќе ја пречека секогаш незгодната Болоња.
