• Иван Димовски
По квалификациите, Шкотска и Англија ќе одиграат малку порелаксиран натпревар, без значаен резултат. Сепак, иако го има префиксот пријателски, пресметката на двете островски репрезентации на Хемпден Парк е далеку од обична средба.
Имено, со натпреварот во Глазгов, Шкотска и Англија ќе ја одбележат 150-годишнината од ривалството кое датира од 1872 година, кога двете репрезентации го одиграа првиот натпревар меѓу себе, а се смета дека е најстариот меѓународен натпревар во светот. Нешто поуспешна беше Англија која победи на 48 од 115 натпревари, додека Шкотска на 41.
Интересно е тоа што покрај борбата на теренот, двете земји во последните денови се борат и надвор од теренот, бидејќи Шкотите се обидуваат да го „украдат“ дуото од англиски Њукасл, Елиот Андерсон и Харви Барнс, кои допрва треба да се појават на официјалните натпревари за „гордиот албион“. Андерсон дури и се приклучи на тимот на Стив Кларк, но мораше да замине поради повреда.
Сите квоти во Mozzart за натпреварот меѓу Шкотска и Англија
Претстојниот натпревар ќе биде првиот пријателски натпревар меѓу двете земји по речиси девет години, а оттогаш копјата Шкотска и Англија ги вкрстија во уште три дуели во кои билансот е две нерешени средби и победа на „гордиот албион“.
Сепак, Шкотите овојпат имаат причина да веруваат во позитивен резултат. Квалификациите за Европското првенство започнаа летечки, со 100% учинок во воведните пет натпревари, со 12 постигнати гола и само еден примен. Англија, исто така, имаше перфектен настап, но беше прекинат со реми од Украина во Вроцлав за време на викендот. Сепак, пред сѐ поради квалитетот, ги претпочитаме момците на Герет Саутгејт.
