• Саше Љолес
Македонскиот фудбалер Матеј Цветаноски имаше повеќе од успешен настап за својот Железничар на гостувањето кај екипата на Широки Брег во босанското првенство.
- Извештај од натпреварот:
Популарниот „Жељо“ славеше со убедливи 0-3, а нашиот Цветаноски придонесе со гол и асистенција и беше најдобар поединец во својот тим. Најпрво асистираше за Сулејман Крпиќ во 60. минута, а потоа го постави и конечниот резултат во последната минута од регуларното време. Во почетниот состав кај гостите беше и нашиот Мартин Мирчевски, кој се задржа на теренот до 53. минута.
За Железничар ова беше седма победа сезонава, а Цветаноски сега има учинок од три гола и две асистенции. 27-годишниот офанзивец летово премина во редовите на славниот босански клуб, а претходно две години ги бранеше боите на Брера од Струмица.
