• Горан Упале
Навивачите на украинскиот клуб Десна одлучија да ги расчистат сметките со директорот на стадионот „Гагарин“, Олександар Овчаренко.
Овчаренко неодамна беше именуван за директор на стадионот на кој игра украинскиот клуб и наводно сакал да му забрани на Десна да игра на истиот. Ваквата вест ги налути навивачите кои решија да ги преземат работите во свои раце. Тие влегле во неговата канцеларија, го извлекле надвор, па го ставиле во контејнер и го возеа по улиците.
Овчаренко се здоби со полесни повреди на главата, но сега сигурно добро ќе размисли дали сè уште стои на ставот дека клубот не треба да игра на „Гагарин“.
