• Мартин Танасковски
Македонскиот репрезентативец Никола Ѓорѓев имаше солиден настап за тимот на Грасхоперс и асистираше за триумф во рамки на второто коло од швајцарската Челинџ Лига.
Грасхоперс гостуваше кај Вил и успеа да победи со 0-1 (0-1), а токму нашиот фудбалер имаше додавање за три бода. Уште во 4. минута од мечот Ѓорѓев го проигра Алвес, а тој реализираше за триумф и „два од два“ на Грасхоперс.
На овој дуел настапи и уште еден фудбалер со македонски корени, тоа е Амел Рустемоски. Тој влезе од клупата во 75 минута и ги доби последните 15 минути за настап. Ѓорѓев, пак, играше до 83 минута.
Грасхоперс е лидер во Челинџ Лигата и важи за фаворит за кам-бек во елитниот швајцарски фудбал.
