• Зоран Мишевски
Германскиот стручњак Матијас Јајсле официјално е именуван за нов менаџер на Њукасл Јунајтед, наследувајќи го Еди Хау на клупата на премиерлигашот. 38-годишниот стратег потпиша четиригодишен договор кој ќе го задржи на „Сент Џејмс Парк“ до јуни 2030 година. За да го обезбеди неговиот потпис, англискиот клуб му исплати отштета од 11 милиони евра (9,5 милиони фунти) на неговиот досегашен клуб, саудискиот Ал-Ахли.
Јајсле веќе му се приклучи на тимот на претсезонските подготовки во Ла Манга, Шпанија. Неговиот прв натпревар ќе биде пријателската средба против Валенсија на „Местаља“. Првиот официјален натпревар во Премиер лигата го очекува на домашен терен против Ливерпул на 23 август.
Познат е по неговата филозофија инспирирана од „Ред Бул“ школата – висок и агресивен пресинг, брза транзиција и вертикален фудбал.
Прочитајте повеќе околу трансферите во Македонија и во светот на ОВОЈ линк.
