• Мартин Танасковски
Фудбалерите на Реал Мадрид го пречекуваат Арсенал во среда од 21 часот во реваншот од четвртфиналето на Лигата на шампионите, а актуелниот европски шампион пред седум дена беше „понижен“ во Лондон (0-3), па ќе се обиде да направи вистинско чудо пред својата публика и да се пласира во полуфиналето.
Не е дека Реал не правел уште поголеми чуда во поновата историја, но елиминирањето на Арсенал по поразот и се што се виде на првиот натпревар би било навистина неверојатно.
Претседателот на Реал Мадрид, Флорентино Перез дополнително ги мотивираше играчите во пресрет на овој натпревар и им вети високи премии во случај на подвиг. Сумата не е откриена, но од Шпанија велат дека се работи за „високи премии“.
Слично беше и пред реваншот со Атлетико Мадрид во осминафиналето, кога по пласманот во пенал рулетот, сите играчи добија бонус од по 250.000 евра.
