• Саше Љолес
Екипата на Рома продолжува во голем стил на стартот од сезоната. По триумфот над Фиорентина, тимот на Џанпјеро Гасперини со убедливи 4-0 славеше и на гостувањето кај Лече, а италијанскиот стратег беше презадоволен од карактерот на својата екипа.
„Ова е извонредна група, има глава и срце. Тимот игра со страст, а тоа е фундаментално во фудбалот. Знаеме дека е само почеток на сезоната, но ова секако е добар знак. Одиме чекор по чекор кон нашите цели“, изјави Гасперини по натпреварот.
Тренерот на Рома посебно го пофали Дониел Малeн, кој постигна два гола, а неговите карактеристики ги спореди со оние на Гонзало Игуаин.
„За брзината, контролата, ударот и забрзувањето на мал простор, споредбата стои. Мене ми се слични во стилот“, рече Гасперини.
Рома сега има максимални шест бода на табелата, а во следното коло ќе ги одмери силите со екс-тимот на Гасперини - Аталанта.
