• Горан Упале
Петко Ганчев ја прокоментира неверојатната ситуација во која се нашол откако со едноминутно молчење почна натпреварот на неговиот поранешен клуб Арда против Левски поради негова смрт.
Неделното попладне Петко Ганчев го помина уверувајќи го семејството и пријателите дека е сè уште жив затоа што сите видоа дека на натпреварот на Арда имало едноминутно молчење во негова чест.
„Доцнав околу десет минути дома од моето закажано гледање на натпреварот. Додека се возев дома, телефонот почна да ми ѕвони и да ми ѕвони. Кога се паркирав пред куќата и влегов во дворот, сопругата ме прегрна во солзи и викаше - Петко, Петко, на телевизија објавија дека си умрел. Не можев да разберам за што се работи и што ми кажува. А потоа слушнав од моите пријатели. Многу е стресно кога ќе те закопаат жив. Кога ја слушнав тажната вест, си турив една чашка ракија“, рече Ганчев.
Арда се огласи во текот на натпреварот и ја поправи оваа неверојатна грешка, а Ганчев беше повикан и од директорот на клубот Ивајло Петков кој му се извини.
