• Горан Упале
Повратниот во Првата македонска фудбалска лига (ПМФЛ), Победа, доведе уште едно засилување во своите редови.
Нов член на прилепчани е Иван Галевски. 25-годишен фудбалер кој може да одговори на повеќе позиции на теренот - во страничните линии, во средниот ред и во нападот. Галевски веќе неколку дена тренира под палката на Бабунски, а откако задоволи со своите квалитети, доби понуда за останување.
Во Победа се сели од редовите на Струга, а претходно настапуваше за кратовски Силекс, Пехчево и Еуромилк. Негов матичен клуб му е Македонија ЃП, а една година има играно во Португалија.
По три одиграни кола во новата сезона Победа сè уште е без бодови и со Работнички ја дели последната позиција на табелата.
Прочитајте повеќе околу тековните трансфери во Македонија и светот на ОВОЈ линк.
