• Мартин Танасковски
Црногорската фудбалска лига ќе продолжи претстојниот викенд, а информацијата за шампионатот ја соопшти премиерот на земјата, Душко Марковиќ.
Црногорската лига ќе продолжи по пауза од 84 дена, а интересно, дуелите ќе се играат пред публика. Секако, бројот на гледачи ќе биде ограничен, а посетителите ќе мора да почитуваат мерки според протокол кој ќе биде објавен.
Засега нема конкретни информации како ќе се играат натпреварите и по кој протокол ќе може гледачите да ги следат.
Покрај Црна Гора, во претстојниот викенд се очекува да стартува и првенството на Србија, а исто така закажани се и натпревари од Купот на Хрватска.
