• Горан Упале
Бразилскиот фудбалер Марсело спогодбено ја прекина соработката со неговиот матичен клуб Флуминенсе. Легендарниот лев бек и официјално е слободен играч, па сега ќе тргне во потрага по нова средина.
Потенцијална причина за ваквата одлука би можела да биде ситуацијата од последниот натпревар на бразилскиот тим, во кој 36-годишниот играч беше повикан да влезе на теренот на две минути пред крајот, но по расправијата со тренерот Мано Менезес беше вратен на клупата, каде што седеше до последниот судиски свиреж.
I have never seen anything similar in elite football.
Fluminense manager Menezes ready to sub on Marcelo, giving him a tactical talk, to which Marcelo seems saying no.Menezes gets furious pushing him back on the bench and doesn’t sub him on anymore pic.twitter.com/ortw0nissD
— Tancredi Palmeri (@tancredipalmeri) November 2, 2024
Бразилецот му се приклучи на Флуминенсе во февруари минатата година, што го симболизираше неговото враќање во тимот каде ги направи првите чекори. Ја помина младинската школа, а потоа играше во првиот тим од 2005 до 2007 година. Вкупно одигра 101 натпревар и постигна 11 гола.
Помеѓу два мандати во Бразил, тој помина деценија и половина во Реал Мадрид, а потоа една сезона во Олимпијакос, па ја напушти Грција по само пет месеци.
