• Иван Димовски
Ако некој по сè заслужуваше да се најде во полуфиналето на Светското првенство за клубови, тогаш тоа се Флуминенсе и Ал-Хилал. Сепак, има место само за еден, па некој мора да го заврши натпреварувањето во четвртфиналето и да добие аплаузи за сè што покажа досега на турнирот.
Бразилците го елиминираа европскиот вицешампион Интер во осминафиналето, додека Ал-Хилал во спектакуларен дуел по продолженија го испрати Манчестер Сити дома.
Се работи за екипи кои немаат пораз на турнирот и кои ја кренаа формата како што одминуваше времето. Бразилците ремизираа со Борусија Дортмунд и Мамелоди, а дуелот со тимот од Јужноафриканската Република беше единствениот што составот на Ренато Гаучо го одигра под својот вообичаен квалитет. Всушност, делуваше дека Флуминенсе беше малку оптоварен со резултатот, бидејќи и ремито ги водеше понатаму.
Сите квоти во MOZZART за натпреварот меѓу Флуминенсе и Ал-Хилал
За Ал-Хилал не само што нема што да се забележи, туку составот на Симоне Инзаги е апсолутен хит на Мундијалот за клубови. На почетокот ремизираа со Реал и со Салцбург, а потоа во решавачкиот натпревар ја победија Пачука. Дуелот со тимот на Пеп Гвардиола беше за паметење, со многу пресврти, но сега делува дека би можеле да видиме затворен натпревар, бидејќи двете екипи се многу блиску до самиот крај на турнирот.
Кога станува збор за конечниот исход, мала предност му даваме на Ал-Хилал, кој покажа дека има квалитет континуирано да се носи со најсилните екипи на планетата.
