• Саше Љолес
Тренерот на Барселона, Ханси Флик, по поразот од 4-1 на гостувањето кај Севиља, призна дека неговиот тим не успеал да го контролира натпреварот. Тој истакна дека првиот дел бил решавачки, со многу индивидуални грешки и недоволна концентрација.
„Фудбалот е игра на голови. Ако постигнеш, победуваш. Денес не успеавме да постигнеме доволно. Имавме шанси, но не ги искористивме“, изјави Флик.
Додаде дека е задоволен од реакцијата на тимот во вториот дел, но нагласи дека мора да се учи од ваквите порази.
„Ова е шанса да научиме повеќе и да се вратиме уште посилни. Ќе работиме напорно за да се вратиме на врвот“, изјави Флик.
Барселона сега ќе има пауза поради репрезентативните натпревари, што Флик го гледа како можност за опоравување на повредените играчи и за ново фокусирање пред следните предизвици.
