• Саше Љолес
Предводникот на Барселона, Ханси Флик, изрази големо задоволство од изданието на неговите играчи на натпреварот против Баерн Минхен во Лигата на шампионите.
Барса славеше со огромни 4-1 и покажа неверојатно квалитетна игра, а Флик смета дека тимот освоил три бода против исклучително силен ривал кој има секогаш највисоки амбиции во елитата.
„Баерн има неверојатен тим со многу добри играчи. Тие се слични на нас, секогаш имаат високи амбиции и поседуваат огромен квалитет во секој сегмент. Нивната филозофија е слична на нашата, па затоа сум горд на моите играчи што го забележаа овој триумф.
Секогаш е слатко кога ќе совладате ривал како Баерн Минхен. Мислам дека потполно ги исполнивме сите задачи што ги договоривме пред натпреварот. Играчите заслужија чиста „десетка“ за овој перформанс, а навивачите имаа среќни изрази на лицата“, изјави Флик.
Барселона со маестрална игра го убедливо го порази германскиот вицешампион, а сега се подготвува за големото „Ел Класико“, кое ќе се одигра на 26 октомври.
