• Саше Љолес
Екипата на Фиорентина се пласираше во четвртфиналето на Конференциската лига на УЕФА, откако вечерва славеше победа на гостувањето кај Раков Честохова со конечни 1-2 (0-0), заокружувајќи го осминафиналниот двомеч со конечни 4-2.
- Раков Честохова - Фиорентина 1-2:
Италијанскиот претставник немаше лесна мисија, но успеа да ја оправда фаворитската улога и се најде меѓу осумте најдобри во натпреварувањето. Во првите 45 минути не видовме голови, а резултатот потоа го отворија домаќините, кои поведоа со 1-0 преку Карол Струски.
Домашниот фудбалер ја затресе мрежата во 46. минута, но „виолетовите“ израмнија со голот на Шер Ндур, кој стрелаше во 69. минута. Конечните 1-2 ги постави Хрватот Марин Понграчиќ во последните секунди од натпреварот.
- АЕК Ларнака - Кристал Палас 1-2:
Фиорентина во следното коло ќе се соочи со англискиот Кристал Палас, кој успеа да го елиминира тимот на АЕК Ларнака по продолженија, славејќи со конечни 1-2 (0-1).
- АЕК Атина - Целје 0-2:
Пласман во следната рунда обезбеди и германскиот Мајнц 05, кој славеше со 2-0 над Сигма Оломуц, а своето место го потврди и грчкиот АЕК од Атина, иако беше надигран со 0-2 на домашен терен од словенечкиот Целје.
- Мајнц 05 - Сигма Оломуц 2-0:
За грчкиот претставник повеќе од доволна беше победата на првиот натпревар, кога славеше со огромни 0-4.
