• Горан Упале
Екипата на Фиорентина со голот на Робин Госенс во 72. минута извојува значајна победа на гостувањето кај Џенова во Серија А (0-1).
Сепак, епитетот тимски херој на „виолетовите“ го понесе Давид Де Хеа, шпанскиот голман кој во самиот финиш направи неверојатна, чудесна одбрана. Васкез упати удар со глава, топката отиде во горниот десен агол од голот, но поранешниот голман на Атлетико Мадрид и Манчестер Јунајтед магично успеа да стигне и да избие во корнер.
Откако по една година пауза Де Хеа се врати на терените, од натпревар во натпревар игра сè подобро и покажува дека сè уште може да брани на врвно ниво.
