• Саше Љолес
Меѓународниот синдикат на фудбалери (ФИФПРО), поднесе тужба против светската фудбалска организација (ФИФА) поради проширувањето на форматот за Светското клупско првенство.
Новиот формат предвидува учество на дури 32 екипи, а следното издание ќе се одржи во Соединетите Американски Држави следната година од 15 јуни до 13 јули.
ФИФПРО ја поднесува тужбата заедно со Здружението на професионални англиски фудбалери и Синдикатот на француските фудбалери (УНФП), а причината е повеќе од јасна. Сите наведени организации сметаат дека играчите се изложуваат на дополнителен физички и ментален замор и велат дека на овој начин се кршат правата на фудбалерите кои треба да учествуваат на турнирот.
Тужбата е доставена до судот во Брисел, кој треба да донесе конечна одлука или да го префрли случајот во Европскиот суд за правда.
