• Иван Димовски
Челниците на ФИФА разгледуваат измена на правилата поврзани со ВАР со цел дополнително да се намалат судиските грешки на Светското првенство.
Според британските медиуми, идејата е ВАР судиите да добијат овластување да интервенираат и при погрешно досуден корнер или при ситуации поврзани со жолти картони, поточно за втор жолт и исклучување.
Се верува дека погрешно досудени корнери може сериозно да влијае на играта. Исто така, сегашните правила забрануваат менување на одлука преку ВАР при жолтите картони, па некогаш иако е престрого исклучен некој фудбалер, не може да се дејствува. Поради тоа ФИФА размислува за промени и веќе им даде насоки на ИФАБ да ги разгледаат потенцијалните промени.
Советодавниот панел, составен од поранешни играчи, тренери и судии, изразил загриженост дека проширувањето на ВАР би довело до уште подолги прекини и забавување на натпреварите. И покрај тоа што ВАР значително го намали бројот на крупни пропусти, судиски дилеми и понатаму се случуваат, што ја одржува актуелна дебатата за можните промени.
