• Иван Димовски
Светската фудбалска федерација (ФИФА) ги објави кандидатите за наградата „The Best“ која стандардно ја доделува на најдобрите во фудбалот.
За наградата најдобар фудбалер се номинирани единаесетмина, од кои шестмина се членови на Реал Мадрид. Интересно е дека во номинациите е вкрстен и Лионел Меси кој настапува во МЛС лигата и нема претерани успеси со Интер Мајами. Во конкуренција се уште Родри, Винициус, Мбапе, Крос, Белингем, Карвахал, Халанд, Валверде, Вирц и Јамал.
- Кандидати за најдобар фудбалер:
Ќе се бира и најдобар голман за 2024 година, а во конкуренција за ова признание се: Раја, Едерсон, Симон, Мартинез, Мењан, Лунин и Донарума.
Во комбинација за тренер на годината имињата се горе-долу очекуваните: Анчелоти, Гвардиола, Де ла Фуенте, Алонсо и Скалони
ФИФА воведе една голема промена во гласањето. Досега гласаа селекторите и капитените на сите светски репрезентации, како и новинарите, а отсега шанса ќе имаат и навивачите.