• Саше Љолес
Светската фудбалска асоцијација (ФИФА) ќе ги додели престижните награди „The Best“ за најдобрите во светскиот фудбал на 16 декември 2025 година во Доха, Катар - беше објавено на официјалниот веб-сајт.
На церемонијата ќе бидат прогласени најдобрите фудбалери и фудбалерки, најдобрите тренери и голмани, како и идеалните тимови за машката и женската конкуренција. Покрај тоа, ќе бидат доделени награди за фер-плеј и за најдобар избор на навивачите.
Добитниците ќе бидат определени преку комбинација на гласови од навивачи, национални капитени, тренери и медиуми, а церемонијата традиционално претставува една од најважните светски фудбалски прослави на индивидуалните достигнувања во тековната година.
Скоро секогаш најголем интерес привлекува машката конкуренција, каде ќе се избира најдобриот играч помеѓу неколку големи ѕвезди на светскиот фудбал - Усман Дембеле, Хари Кејн, Ламин Јамал, Килиан Мбапе, Нуно Мендеш, Кол Палмер, Педри, Рафиња, Мохамед Салах и Бразилецот Витиња.
Во конкуренција на тренери номинирани се Хавиер Агире, Ханси Флик, Микел Артета, Луис Енрике, Енцо Мареска, Арне Слот и Роберто Мартинез.