• Горан Упале
Фенербахче го зададе првиот удар во третото коло од квалификациите за Лигата на шампионите, откако на домашен терен го совлада австриски Штурм Грац со 2-0.
Турскиот гигант од самиот почеток го диктираше темпото и ја оправда фаворитската улога. Првиот гол падна уште во деветтата минута, кога прецизен беше Андерсон Талиска, а непосредно пред паузата предноста ја удвои летното засилување Мејсон Гринвуд.
Во продолжението домаќините рутински ја контролираа играта и не му дозволија на Штурм посериозно да се закани, па со убедлива предност ќе отпатуваат на реваншот во Австрија.
Со оваа победа, Фенербахче се доближи на чекор до пласман во плеј-оф фазата од квалификациите за елитното европско натпреварување.
