• Зоран Мишевски
Преодниот рок во Турција уште е отворен, но рокот за пријавување на фудбалери во европските клупски натпреварувања пролетва е затворен. Така, новајлиите нема да бидат пријавени, а извиси и еден од староседелците - нашиот Езџан Алиоски.
Македонскиот репрезентативец нема да игра во Лига Европа, што може да биде и сигнал за разделба. Фенербахче не го пријави македонскиот репрезентативец за елиминационаата фаза. Фенер заврши како првопласиран во својата група и се пласира директно во осмифиналето, па уште не го знае првиот противник во 2023 година.
Алиоски минатото лето дојде во Турција од Саудиска Арабија и имаше одличен старт. Потоа неговиот континуитет заглави и се повеќе се зборува за заминување од славниот турски клуб.
Со непријавувањето на Алиоски, единствен македонски интернационалец кој ќе игра во Лига Европа пролетва е Енис Барди со Трабзонспор.
