• Иван Димовски
Спартак Варна на „македонски погон“ обезбеди опстанок во Првата лига на Бугарија. Со трите гола на Георг Стојановски оваа екипа го доби дуелот со Локомотив Софија (3-0) и го казни киксот на Септември Софија со што скокна на безбедна позиција по последното коло во шампионатот.
Тренер на екипата е славниот македонски стратег Ѓоко Хаџиевски кој ја исполни примарната цел на Спартак и го одржа во лигата. Искусниот тренер е популарен и меѓу навивачите, а тоа се виде и за време на прославата.
Без разлика на политичките проблеми меѓу Македонија и Бугарија, навивач донесе транспарент до Хаџиевски на кој го има неговиот лик, бугарско и македонско знаме и порака. На него пишуваше: „Нема да ви го бараме идентитетот, но Ѓоко е еден од нас“.
Ова беше моќна порака дека во спортот не смее да се меша политиката.
ФОТО/PHOTO: Sportal.bg
