• Иван Димовски
Европски класик на повидок. Реал Мадрид и Манчестер Сити од февруари 2020 година, кога првпат се сретнаа, одиграа многу големи натпревари, а во среда (21:00 часот) ќе се соочат еден со друг по 11. пат на „Сантијаго Бернабеу“, при што во прашање е место меѓу осумте најдобри екипи во Лигата на шампионите.
Дури и ако Реал не победи, сепак би имал реални шанси да го постигне тоа, бидејќи моментално има 12 освоени бода од пет кола, додека шансите на Сити би се намалиле значително бидејќи има 10 од можни 15 бода на своето конто.
Сите квоти во MOZZART за натпреварот меѓу Реал Мадрид и Манчестер Сити
Освен блокбастерот во шпанската престолнина, на „Бернабеу“ ќе се сретнат двајца од неколкуте најдоминантни напаѓачи на планетата. Килиан Мбапе со 25 гола од едната страна и Ерлинг Халанд со 20 гола од другата страна. Французинот го брка статусот на Роналдо како најдобар стрелец на Реал Мадрид во една календарска година (60 гола), Халанд е најбрзиот играч во историјата на Премиер лигата со најмалку 100 гола и се стреми да го зголеми својот чудесен просек на голови во Лигата на шампионите (54 на 53 настапи!).
Пред дуелот со Сандерленд викендот, Сити прими десет гола на четири натпревари, додека до пред една недела Реал сериозно се мачеше со реализација на двата фронта, испуштајќи бодови против Џирона, Елче, Рајо Ваљекано. Сити сигурно ќе дојде во Шпанија со желба да се одмазди, бидејќи минатиот февруари беа лесно поразени од Реал во битката за осминафиналето (6-3 во два натпревари).
