• Саше Љолес
Италијанскиот фудбалер Стефан Ел Шарави најави дека по истекот на сезоната ќе ја напушти екипата на Рома, после вкупно десет години минати во дресот на „волчицата“.
Екс-репрезентативецот на Италија изрази голема благодарност до клубот, но и до навивачите, истакнувајќи дека љубовта за Рома останува во длабоко во неговото срце.
„Постојат места кои стануваат вистински дом. Овој клуб за мене значи живот, тука има прекрасни луѓе, а јас имав многу прекрасни и среќни моменти.
Дојдов со сон да се докажам, имав оган и енергија во себе за огромни радости, но имаше и тешки моменти кои дадоа стимул за уште понапорна работа.
Благодарам, ова е историски момент, зашто се збогувам со омилениот дрес, за кој дадов многу во кариерата“, напиша Ел Шарави.
Договорот на Ел Шарави истекува летово. Фудбалерот кој го одби Египет и заигра за „аѕурите“ има неколку понуди на масата, а италијанските медиуми шпекулираат дека ќе замине во американската МЛС лига.
