• Иван Димовски
Македонскиот фудбалер Матеј Цветаноски беше стрелец во пресврт победата на Железничар против Борац Бања Лука во седмото коло на Премиер лигата на Босна и Херцеговина (3-2).
Поведоа гостите со 0-2 уште во првиот дел, а домаќините доцна се разбудија и креираа пресврт. Еден од стрелците беше и Македонецот кој влезе од клупата за резерви на полувремето. Цветаноски даде ефектен гол, доби топка во транзиција на левата страна, издрибла неколкумина и од тежок агол погоди за 2-2 во 83. минута.
Ова е прв сезонски гол за Матеј Цветаноски во дресот на Железничар, а во текот на претходната постигна четири.
