• Иван Димовски
Македонската јавност беше преплавена со информации за синоќешното палење на државното знаме среде Скопје за време на прославата на денот на албанското знаме. Тој чин беше осуден од многумина, а меѓу нив и долгогодишната репрезентативка на Македонија, Афродита Салихи која има токму албанско потекло.
Салихи го осуди вандалскиот чин, нагласи дека не е ниту малку патриотски да се запали знаме на друга држава, а нагласи дека е треба да се почитува државата и нацијата во која живееме.
„Знамето на една земја е можен симбол на идентитетот, што ја одразува историјата, културата и вредностите на една нација. Љубовта кон знамето е безгранична и безусловна.
Не е патриотски чин знамето на друга држава, да се влече и да се запали. Ваквите постапки секогаш поттикнувале меѓуетничка омраза во мултиетничка земја. Македонија е земја во која живеат Албанци, Македонци, Турци, Роми, Босанци, Власти... Не е лесно да се прифати фактот дека сите живееме заедно, дека секој од нас може гордо да изјави дека припаѓа на една или друга националност. Живееме и дејствуваме во земја во која сме посеале злоба и омраза еден кон друг, а немаме емпатија и почит.
Многу ќе беше полесно ако имавме почит. Сите сме виновни, дури и потонати во вина, особено кога ќе помислам на фактот дека вакви човекови вредности им оставаме на потомците!
Да ја почитуваме државата, нашата нација, народот, да ги почитуваме заноните, нормите и моралните вредности. За мене тоа е патриотизам. За крај, казните да бидат праведни и да не се базирани на етничка припадност“, напиша Салихи.
Инаку, Афродита Салихи е единствената македонска репрезентативка со повеќе од сто настапи во националниот дрес. Таа дури и гордо го има резвеано знамето на Македонија, земјата во која живее.
