• Иван Димовски
Малку е да се каже дека Бразилците играат турбулентни квалификации за Светското првенство, бидејќи ноќеска го запишаа четвртиот пораз, овојпат минимален на гости во Парагвај со 1-0 (1-0).
- Пааргвај - Бразил 1-0:
Средбата во Асунсион ја реши единствениот погодок на Диего Гомез по 20 минути игра. Асот на Интер Мајами доби топка надвор од шеснаесетникот, добро си ја префрли од десно на лево и со надворешниот дел од копачката постигна ефектен погодок за 1-0.
Се играше доста борбен меч во продолжението. Секако, Бразил беше тимот кој повеќе напаѓаше, меѓутоа не успеваше да го пронајде патот до домашната мрежа. Имаа „кариоките“ неколку добри можности за израмнување, но ударите на Педро и Винициус не завршија во голот.
На крајот, по победата над Еквадор пред четири дена Бразилците се вратија на лошите резултати. Тие по осум кола се на петтата позиција на табелата со десет бода, исто толку има Венецуела, а по девет имаат Парагвај и Боливија кои целат на влез меѓу најдобрите шест.
- Венецуела - Уругвај 0-0:
Без голови заврши натпреварот меѓу Венецуела и Уругвај.
