• Мартин Танасковски
Судот за спортска арбитража (CAS) ја отфрли жалбата на мексиканскиот клуб Леон против одлуката на ФИФА со која им беше забрането учество на Светското клупско првенство кое започнува на 14 јуни во САД.
ФИФА го исфрли Леон од турнирот бидејќи е во сопственост на истата група што ја поседува и Пачука, уште еден мексикански тим кој ќе игра на Светското клупско првенство.
Леон се квалификува откако го освои Купот на шампионите на КОНКАКАФ во 2023 година, додека Пачука го освои натпреварувањето минатата година.
Оваа одлука на CAS го отвори патот за уште еден натпревар помеѓу мексиканска Америка и американски Лос Анџелес, чиј победник ќе го заземе местото на Леон на Светското првенство.
