• Саше Љолес
Њукасл Јунајтед славеше минимален триумф над Брентфорд (1-0), но многу потешко од очекуваното стигна до втората сезонска победа во Премиер лигата.
- Извештај од натпреварот:
Првото полувреме не беше баш најидеално за присутните на „Сент Џејмс Парк“, двете екипи не покажаа превозбудлива игра, иако Њукасл беше за нијанса подобар ривал. Мрежите мируваа и по првите 45 минути, резултатот остана почетниот, 0-0.
Во второто полувреме „страчките“ заиграа поконкретно и почнаа повеќе да напаѓаат, но и Брентфорд беше солидно поставен во дефанзивата. Клучниот момент се случи во 64. минута, кога гостинскиот играч Флекен направи груб прекршок во својот шеснаесетник, а главниот судија покажа на белата точка.
Прецизен реализатор на најстрогата казна беше Калум Вилсон и Њукасл конечно го отвори резултатот и поведе со 1-0. Се обиде Брентфорд веднаш да возврати и имаше една добра шанса, но без поголем успех. Момчињата на тренерот Еди Хоу беа помотивирани и повеќе ја посакуваа победата, која на крајот се покажа дека ја извојуваа со единствениот гол на Вилсон, 1-0.
Ова е само втора победа за Њукасл во новата сезона и сега има шест бода, доволни за единаесеттата позиција на табелата. Брентфорд е на едно место погоре, со исто бодовно салдо. Следното коло го носи Њукасл на гостување кај Шефилд Јунајтед, додека Брентфорд ќе биде благ фаворит на домашен терен против Евертон.
