• Саше Љолес
Фудбалскиот клуб Рексам испиша историја во англискиот фудбал откако успеа да напредува дури три рангови погоре во само три сезони, но амбициозниот клуб нема намера да застане тука и сака веднаш да премине од Чемпионшип во Премиер лигата.
Сопствениците на Рексам, актерите Рајан Рејнолдс и Боб Мекелени, имаат план следната година да се обидат да одат скалило погоре и да се пласираат во елитното друштво, а за таа цел планираат да потрошат големи средства на квалитетни и искусни засилувања.
Управата тргнала по потписот на Том Керни од Фулам, кој има понуда од 50.000 фунти неделно, а исто така се споменуваат уште неколку играчи со премиерлигашки калибар, кои би му помогнале на Рексам во една од најтешките светски лиги.
Во игра се и други фудбалери од Чемпионшип, со кои Рексам би бил значаен фактор следната сезона, а најголемите оптимисти сонуваат за директен пласман во Премиер лигата, што би била вистинска бајка за навивачите.
