• Саше Љолес
Шпанија остана без Феран Торес за претстојните натпревари во Лигата на нации, па селекторот Луис де ла Фуенте мораше дополнително да го освежи составот. На негово место во сениорската репрезентација е повикан младиот фудбалер на Реал Мадрид, Карлос Еспи.
Торес, кој настапува за ПСЖ, го напушти репрезентативниот камп поради проблем со скочниот зглоб. Иако повредата досега не му создаваше сериозни проблеми при тренинзите и натпреварите, во шпанскиот табор процениле дека не треба да се ризикува неговата состојба и одлучиле тој да продолжи со рехабилитацијата во клубот.
Од Федерацијата потврдија дека медицинските тимови на репрезентацијата и Пари Сен Жермен биле во постојана комуникација и внимателно ја следеле состојбата на фудбалерот.
Поради отсуството на Торес, де ла Фуенте се одлучи да му даде шанса на Еспи, кој досега настапуваше за младите категории на шпанската репрезентација. За него ова ќе биде можност да се наметне во сениорскиот тим.
Шпанците утре ќе ја пречекаат Чешка, а само четири дена подоцна ги очекува гостување кај Хрватска. Двата натпревари се дел од А3 групата во Лигата на нации.
