• Горан Упале
Грчкиот фудбалски гигант Олимпијакос вечерва на домашен терен го декласира Астерас со 5-0, а натпреварот го одбележа атрактивниот погодок на Хамес Родригез, кој ги потсети фановите на своите славни денови. Сепак, потоа ги загуби нервите кога слушна како реагираат навивачите по неговата мајсторија.
Колумбискиот ас од преку дваесет метри испрати „проектил“ кон противничкиот гол, а откако топката влезе во мрежата, тргна да го слави својот погодок. Но, навивачите на Олимпијакос почнаа да го исвиркуваат, па Колумбиецот не можеше да ја сокрие лутината и разочаран од целата ситуација замавна со раката и покажа што мисли за свирежите кои ги доби.
James Rodríguez still scoring bangers and people call him a “finished player” LETS GO JAMESS pic.twitter.com/BNb2HeDlC6
— nia (@Iexaerys) December 28, 2022
Хамес во Олимпијакос пристигна во средината на септември годинава од катарскиот Ал Рајан, но навивачите на грчкиот клуб не се премногу одушевени од неговите настапи, поради што го исвиркаа.
