• Горан Упале
Остануваат уште само 12 недели до почетокот на Европското првенство во Германија, па еуфоријата полека се зголемува. Остануваат само ушти три слободни места за собирот во Германија, а за нив во следните пет дена ќе се борат дури дванаесет селекции. Таму се Полска, Естонија, Велс, Финска, Израел, Исланд, Босна и Херцеговина, Украина, Грузија, Луксембург, Грција и Казахстан.
Шанса за учество во баражот добија најдобрите четири репрезентации од Лигата на нации - дивизијата А, Б и Ц, кои преку квалификациите не обезбедија директен пласман на ЕП.
Во теорија, место во овој бараж обезбедуваат првопласираните екипи во групите од дивизијата А, Б и Ц. Сепак, бидејќи сите победници се пласираа директно, нивните места ги заземаат екипите со следниот најдобар пласман. Во случај да има помалку од четири екипи од дивизијата А кои не обезбедиле место, најдобро пласираната екипа од дивизијата Д добива едно место. Во овој случај тоа е Естонија.
The 6 play-off semi-finals will be played on 21 March 2024
The 3 play-off finals will take place on 26 March 2024 #EURO2024 pic.twitter.com/F2WXObhZIE
— UEFA EURO 2024 (@EURO2024) November 23, 2023
Вкупно 12 репрезентации беа поделени на три различни „патишта“ со по четири екипи. За официјално да ги примат сите учесници на турнирот во Германија, на 21 март ќе се одржат шест полуфиналиња, по кои три финалиња пет дена подоцна ќе одлучуваат за последните тројца патници на ЕП.
Победникот од „патот А“ во јуни ќе биде во групата Д со Холандија, Австрија и Франција. Победникот од „патот Б“ ќе игра против Белгија, Словачка и Романија, а победникот од „патот Ц“ ќе се соочи со Турците, Португалија и Чешка.
