• Саше Љолес
Екипата на Удинезе ја оствари деветтата победа во Серија А, откако славеше со сигурни 3-0 (1-0) над Емполи во натпреварот од 25. коло.
Домашниот тим ги освои бодовите со двата гола на фантастичниот Јурген Екеленкамп, а конечните 3-0 беа поставени од Флориан Товен во 90. минута. Удинезе останува на десеттата позиција на табелата. Емполи е прв тим над опасната зона, со еден бод повеќе од Парма.
Монца и Лече одиграа не премногу атрактивен меч и ремизираа со конечни 0-0. Непопуларниот резултат остана до крајот поради неколкуте нереализирани шанси на обете страни. Домашниот тим на моменти изгледаше дека е поблизу до погодок, но повторно не го пронајде рецептот за триумф.
Лече е на петнаесеттата позиција со 25 бода, додека Монца останува „фенерџија“ во Серија А, со само 14 бода на своето конто.
