• Саше Љолес
Селекторот на бразилската фудбалска репрезентација, Доривал Жуниор, го објави списокот на повикани играчи за претстојните квалификациски натпревари за Светското првенство.
На списокот има и една „бомба“, во тимот се враќа суперѕвездата Нејмар, кој можно е да заигра после 17-месечно отсуство, а први предвоници сигурно ќе бидат Винициус Жуниор, Родриго и Рафиња.
„Кариоките“ ќе се сретнат со Колумбија и Аргентина, а во мечот со „гаучосите“ повторно би можеле да се сретнат Нејмар и Лионел Меси. Бразил има 18 бода, Колумбија има еден повеќе (19 има и Еквадор), а лидер е Аргентина со 25 бодови на табелата.
