• Иван Димовски
Алесандро Бастони од Интер доживеа инцидент по враќањето од натпреварот во Лигата на шампионите. Додека дефанзивецот седеше на клупата и го следеше триумфот на својот тим со 2-1, неговиот дом во Кастели Калепио во провинцијата Бергамо бил ограбен.
Како што пренесува „Газета дело Спорт“, четворица разбојници упаднале во куќата и за неколку минути однеле вредни предмети, меѓу кои скапоцени часовници и дизајнерски торби. Алармот се активирал, но обезбедувањето и полицијата не успеале навреме да реагираат, па крадците избегале пред нивното пристигнување.
Инцидентот е веднаш пријавен до надлежните органи, а истрагата е во тек. Полицијата работи на идентификација на сторителите и проверува снимки од безбедносните камери од околината.
