• Иван Димовски
Додека Аргентина успешно чекори кон завршницата на Светското првенство, Аргентинската фудбалска федерација (АФА) се најде под истрага на американските власти поради сомнежи за перење пари и финансиски малверзации вредни повеќе од 300 милиони долари.
Според информациите, агенти на ФБИ и обвинители од американското Министерство за правда во Мајами го испрашувале бизнисменот Гиљермо Тофони, како дел од истрагата за комерцијалните договори на АФА и нивните финансиски трансакции преку компании и банки во САД.
Во исто време, претседателот на АФА, Клаудио „Чики“ Тапија, се наоѓа во Соединетите Американски Држави со аргентинската репрезентација. Тој и во Аргентина е предмет на постапка поради наводно неправилно управување со даночни и пензиски фондови. Засега не се поднесени официјални обвиненија, а американската истрага е во почетна фаза и има цел да ги утврди сите финансиски текови и евентуални прекршувања на законот.
Во меѓувреме, случајот доби и европска димензија, откако беше побарана истрага за работењето на претседателот на ФИФА, Џани Инфантино, како и за наводни судиски одлуки кои биле во корист на одредени репрезентации за време на турнирот.
